Chah pynbaad ki bor pulit wa tynyap ya uwa sikai skur ha East Garo Hills

Jowai: Katkam wa pyntip ki pulit da ong wa ha kani ka 3 tarik uni u bnai ka Licsitha D Shira naka chnong Chidimit Nengsat, EGH da ujor pyrchah ko ya u In-charge ka Dagal Anti-Dacoity Camp, EGH hadien wa da khlaad u kurim ko ha kti ki pulit.

Katkam ka ujor, da ong wa u kurim ka Licsitha uwa pyrtuid kam u Hillary Momin uwa man kam uwa sikai skur ha St. Joseph Secondary School da chah kit u na ka madan kani ka skur ha ki pulit kiwa da rah ya oo cha ka Dagal Anti-Dacoity Camp wei da chah dat chah bom u hadooh wa da mynsoo u.

Ha ka 11  tarik uni u bnai u Hillary da khlaad u nei chah dat u wei da pynkit yei metyap u cha Civil Hospital Williamnagar wow pyndep ya ka Post Mortem.

Related posts

Chah tooh ka Scooty na pchem yung ha Mihmyntdu

March 15, 2026

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

Ha ka 13 tarik won u Dalkan R Sangma naka chnong Dama Nengkatok, EGH da ujor u wa heipor pyrdi synyaaw u Tangkan D Sangma da dung u ya u Tomy R Sangma da ka tari.

Ya uwa chah dung da kit cha Civil Hospital Williamnagar wei hadien da rah ya oo cha Civil Hospital Tura tangwa da khlaad noh u.