Ka Election Commission of India (ECI) da pyndam (Delist) ko ya le tylli ki seiñ saiñ hima sima namo ki Political Party na Meghalaya neidaw wym em krehkaam ki wei ym em yakhun Election ki la ynru snem.
Kini ki Party kynthup ki ya ka Meghalaya Democratic Party, ka North East Social Democratic Party wa ka Regional Democratic Secular Congress.
Ka ECI da ong wa da leh yeini ha waroh kawi ka ri katkam ka aiñ heiwa 474 tylli ki Registered Unrecognised Political Parties (RUPPs) da chah pyndam ki.
Ka Commission da kdaw ko wa yeini da leh neidaw wa tyngkheiñ ki ya ka Para 3 (xxiii) yong ka Guidelines for Registration of Political Parties katkamka Section 29A ka aiñ Representation of the People Act, 1951, heiwa emkaam ya ki Party wow yakhun Election ki chisien san snem nawa Register ki (Party).
Ka ECI da ong ko wa hanla da phah ya ki Notice da ki Chief Electoral Officer (CEO) yong ki jylla, kini ki Party ym em e ki ya ka sabut wa yakhun Election ki nadooh u 2019.
Deiwa pyndam ya ki, kini ki Party da dooh ki ya ki myntoi kam ka Income Tax Exemption, wow pdiang ya i e sñiawbha (Donation) kamjooh wow yoh u jied ya ki chaap.
Ka ECI da ong ko leh wa ki Party wa chah pyndam ye ki wow ujor (Appeal) hajrong ini i chah pyndam hapoh 30 sngi.
Discussion about this post