U National President ka Bharatiya Janata Party (BJP), u JP Nadda ynne ka sngi da pynbna u wa da thung ya u Rikman Momin kam u State President wa thymme ka BJP Meghalaya Unit.
Da khana wa kani ka rai toh yong i heh ka BJP na Delhi wei da pyntip leh cha u President wa da chah pyndam u Ernest Mawrie, heiwa da klam che leh wa kani ka rai u krehkaam ko chisiendon.
Kam wow pynkynmoo wa ka samoi krehkaam neibynta u President ka BJP toh 3 snem, wei u Ernest da ksoh u yei kaam kam u President da palat 3 snem, iwa da mih leh yei kylli yei daw wa da pynjrong ya ka samoi krehkaam u.
Kiwa boon kiwa yahkhmat ka BJP ha Meghalaya da yut seiñ ki hachwa ka Election wei hadien dooh da mih na ka BJP sa u HM Shangpliang wei katkam ki khubor i chah pynhaap u Ernest Mawrie ye u man neidaw wa boon ki ujor na kiwa kitkaam ka BJP ha Meghalaya heiwa da pynsñiaw ki yei rukom krehkaam wa leh chiliang wei deiwa rai samen khlem da ya syllok wa kiwi kiwa kreh ka Party.
U Rikman Momin toh uwa yahkhmat ka BJP na Tura wei man u leh u dkhot ka BJP National Council wei da yakhun u ya ka Election MP cha Lok Sabha ha u snem 2019 na Tura Parliamentary Constituency.
Discussion about this post