Chah pynkup burom ka tymmen wa kah ya ka Scooty ha Footpath

Ka Motor Vehicle Department (MVD) ka jylla Kerala ynnin da pynkup burom ko ya ka tymmen kawa kah luti ya ka Scooty wa lai na ka Footpath ha sorbah Kozhikode.

I Video yong ka tymmen wa tip kam ka Prabhavati da poor bha i ha Social Media heiwa da kah ko ya uwi u bru wa yah Scooty wa lai na Footpath ha Eranjipalam wow lait u nei sahkut kari ha u sarok.

Hadien wa yoh yaroh ha Social Media, ka Prabhavati da chah pynkup burom ko ha ki bor sorkar deiwa kyntu ya ki paidbah wow em i bahkhlieh.

Neiliang ka Kerala Police leh da booh ko i dur ka Prabhavati deiwa thoh wa ki Footpath toh ya ki bru wow lai kjat. Da kyntu leh wow ujor pyrchah ya kiwa tyngkheiñ aiñ ha u Whatsapp Number 9747001099 chirup i dur, Video, i thaw wa i por.

Related posts

Hap pynsangeh ya ka lieñsuiñ wa mut u hær na Kolkata cha Shillong hadien wa tieñ wa em Bomb

February 14, 2026

Pynman yakhih da ki khynroo ha Bangladesh tangwa ya ka Election jop da ka Party warim

February 14, 2026