Hap pynsangeh ya ka lieñsuiñ wa mut u hær na Kolkata cha Shillong hadien wa tieñ wa em Bomb

Ka lieñsuiñ ka IndiGo kawa mut wow lai na Kolkata cha Shillong ynne i step da hap wow pynsangeh ka hadien wa chem ya ka kot wa thoh wa em Bomb hapoh kani ka lieñsuiñ.

Ini da jia i chwa wow hær ka lieñsuiñ heipor 9:15 i step heiwa da chem ya kani ka kot napoh ka paikhana ka lieñsuiñ.

Kamtæ da pynhiar ya kiwa da em hapoh wei da kyrriah ya kani ka lieñsuiñ cha i thaw wa rap cha kdong (Isolation Bay) yow leh yeiwa emkaam.

Neiliang ka Bomb Disposal Unit da wanrah ki ya ki ksaw yoh thooh ya u Bomb wei da leh biang ya ka X-Ray Scan ya ki tiar ki tar kiwa chong hapoh ka lieñsuiñ.

Related posts

I rai wow wanrah ya ka OTS da yoh myntoi 16,000 ngut kiwa yah Truck wa 2 lak ngut kiwa chah ktahlang: Conrad

July 1, 2026

Kyrpaad ka JSM na u CM wow pdiang ya ka Resolution ka JHADC

July 1, 2026

Hadooh wa pynmih ya ka khubor ym pu em chem iyi iyi tangwa ka takit dang lai ko chakhmat.