Jowai: Ynnin ka sngi 7 tarik u D.P. Kharsati ADM wa u District Planning Officer, West Jaintia Hills da pynkup burom ki yaki 20 ngut ki nongthaiñ that kiwa da chah sikai hajrong ka “Jacquard Designing” haka Handloom and Handicraft Co-operative Societies kawa em ha ka chnong Mookhap.
U bah B. Nongrum, Programme Associate, Laskein Enterprise Facilitation Centre, Laskein Block hei klam lamphang da ong u wa “ka Jacquard Designing” toh ka rukom thaiñ that kawa pynemkaam nadooh ki por nachwa hadooh katni kawa yarap chiboon ya ki nongthaiñ that.
Ya kani ka esikai da yarap da ka Meghalaya Institute of Entrepreneurship, Shillong. Kani ka esiki da sdang ko nadooh ka 9 Khonchonglad 2015 hadooh ka 6 Duyatra 2016 wei da wan hikai da ki nonghikai Master trainers kitæ toh u Lastnokhel Jalong wa u James Eventis Dkhar.
U bah D.P. Kharsati hei klam da kyntu u yaki nongthaiñ that, wow minot ki u pynmih yaki that kiwa thaiñ pyn da ki hi.
Da yoh leh yei klam na u bah Bantei J.Kharshandi, EAC and Nodal Officer of District Basin Development Unit, ka kong I. Dkhar, OSD of Meghalaya Institute of Entrepreneurship, Shillong. Wa ka kong. D.Lyngdoh, District Handloom Officer, West Jaintia Hills.
Ya katai ka training da pynkhreh da ka ophis District Basin Development Unit, West Jaintia Hills District ka Laskein Enterprise Facilitation Centre, Laskein ryngkat ka ophis District Handloom Officer, West Jaintia Hills.
Discussion about this post