Chah pynkup burom ki ar ngut ki myllung ka jylla ha Bangladesh

Jowai: Ar ngut ki myllung na ka jylla Meghalaya, ka Prof. Streamlet Dkhar, ka Myllung Khasi wa pawkhmat wa ka Falguni Chakraborti ka myllung Bengali da yoh ki wow lai mihkhmat cha ka yachem kiwa thoh kot wa ki myllung wa pawkhmat ha ka South Asian Literature and Culture Summit-2018 kawa man le sngi lynter nadooh ka 13 hadooh ka 15 tarik uni u bnai ha Pirganj, Rongpur, Bangladesh wa pynman da ka Association For South  Asian Literature and Culture (AFSACA).

Kani ka seiñ da pynkynmoo ko ya ka yakhih yong kiwa chong chnong ka Ri Bangladesh neibynta ka ktien Bangla kawa da sdang nadooh ka 21-02-1952 heiwa boon ki khynroo khyllood wa dang puræ wa kiwa maya ri da chimbynta ki ha katæ ka yakhih wei da em leh kiwa dooh yei mynsien wow yoh ya ka ktien.

U pa ka ri Bangladesh, u Bangabandhu Sheikh Muzibur Rahman da pynbna u ya ka laitlooid ha u Wisu (March), 1971.

Da ka mynsiem kawa kmen weiwa burom ya ki myllung, da em ka pynyoo rong ya ki dustur riti, ka puræ yeiwa da thoh ki myllung kiwa na ki jait ktien waphær waphær.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Prof. Streamlet Dkhar ha chwa wow puræ ko ya ki potri yong ka, da e ko i klam tbian hajrong i sdang i thoh ya ka ktien Khasi heiwa da ong ko wa ym ye i u mylliñ wa ya ki ktien thoh ha ka Khasi da sdang nyngkong ha ki dak Bangla wa pynemkaam da ka ktien tnat yong ki Shela da u William Carey wa u Krishna Chandra Pal ha ka snem 1813 na ka Serampore Baptist Mission.

U Rev. Alexander Burg Lish yong ka Serampore Baptist Mission da wanrah u ya ki le tylli ki skur ha Mawsmai, Mawmluh wa ha Sohra ha ka snem 1832, tangwa da khang noh ya ki ha u snem 1838.

Da batai ko leh wa em boon ki myllung Khasi kiwa da pynkylla Khasi ya ka Gitanjali yong u Rabindranath Tagore.

Ka Prof. Streamlet Dkhar da yoh khusnaam ko kam ka myllung ha kani ka yalang kam kawa thoh Drama wa Novel wa pawkhmat yong ka jylla Meghalaya wei da pynkup burom da u Sultan Ahmed Sona, u Editor wa Publisher ka Bwazra Katha wa u Secretary AFSACAL, Bangladesh hei emlang leh ki myllung na kylleiñ ka South East Asia.

Hadien wa kut kani ka yachem ki myllung, kiwa rwai  wa pawnaam wa uwa yaleh laitlooid, u Muzafar Hussain Bakul, ka seiñ Anyodhatra Sahitya Sansad deilang wa ka Alokkito Protidin Anyodhara da khut sñiawbha won ki ya kini ki ar ngut ki myllung na Meghalaya wow emlang ki ha ka lehkmen sngikha yong u myllung wa khroo ka Bangladesh u Sharkar Mahbub ha ka 16-03-18 ha Engineering Institute, Dhaka kawa da e leh sa ka wi ka khusnaam ya ka Prof. Streamlet Dkhar “Ka Honorium Crest” wei da e ya kani ka ksunamm da ka Kazi Rozi, ka dkhot yong ka Parliament ha Bangladesh.