theme-sticky-logo-alt
theme-logo-alt
Advertisement ad1

Chah pynkup burom u SDO ka Amlarem

Advertisement ad1
Advertisement ad1

U Montri ka Meghalaya wa pait ya ka chnat Food, Civil Supplies wa Consumers Affairs, u James P K Sangma ynne ka sngi da wai u ya ka yalang pynsñiawthooh paidbah kawa chi sngi hajrong ka National Food Security Act 2013, ka One Nation One Ration Card waka aiñ Consumer Protection Act, 2019 ha Yojana Bhavan, Main Secretariat, Shillong.

Ya kani ka yalang da pynman da ka Food, Civil Supplies and Consumers Affairs Department wei da pynman kam chibynta “Azadi Ka Amrit Mahotsava” kawa man leh i lehkmen yei dap 75 snem i yoh laitlooid ka ri.

Advertisement ad1

Ha kani ka sngi da soi leh ya artylli ki soskular namo ki Memorandums of Understanding (MoU) da ka Food, Civil Supplies & Consumers Affairs Department waka UN-World Food Programme deilang waka Common Service Centre-SPV kam chibynta wow pynryntih wei pynbha pynmiat yei rukom saam rachon namo ka Public Distribution System. Heiwa neiliang ka Food, Civil Supplies and Consumers Affairs Department, ya ki MoU da soi da u Principal Secretary ka chnat katwa u Deputy Country Director of World Food Programme, u Eric Kenefick neibynta ka UN-World Food Programme katwa u Gyan Doley, Regional Head Common Service Centre da soi u neibynta ka Common Service Centre-SPV.

Hawa e yei klam, u James P K Sangma da ong u wa ini i soi ya kini ki soskular toh kawa sahkynmoo wei daw yarap ko wow pynskem yei rukom yoh baam hapoh ka jylla. U Montri da ong u leh wa ka sorkar da dep ko wow sdang ya ka Commission for Consumer Dispute and Grievances Redressal yow ye ki bru wow ujor heiyatoh wa ki kaam ha ka imlang sahlang khamtam hawa yatoh wa i yarap wa toh u yoh ki na ka sorkar.

Da khana u leh wa ha ki dukan rachon da pynkrehkaam da ki kor Electronic Point of Sale Device ha ki 4500 tylli ki dukan wa em hapoh ka jylla yow wanrah yei khooid hawa saam rachon yow lait leh nei chah leh thok wei baam-tooh ya ki mar.

Ha kani ka sngi da pynkup burom leh ya u Abilash Baranwadi, SDO Amlarem yei kreh yong oo wow pynchlur ya ki bru wow yaleh Aadhaar neibynta ki Card Rachon wei deiwa yoh leh ya iwa boon dooh yeiwa su lyngba ka Internet (Epoch Transactions) hapoh ka jylla.

Share this:
Previous

Thoh ki seiñbhalang cha u Kyrmen Shylla yow dawa pynsangeh yei kyrriah ya u DC ka East Jaiñtia

Next

Pynbna u Conrad ya kiwa boon ki tamasa kam chibynta i lehkmen dap 50 snem ka jylla