Ki pulit ka South West Khasi Hills hei booddien wow kdong ya ki damok kiwa wan thombor na Bangladesh, ynne ka sngi da yoh ki wow kem sa 3 ngut napyrdi ki 9 ngut kiwa da wan psiah pyrchah aiñ na Bangladesh yow pyntieñ pynsmiej ya kiwa chong chnong nadooh i step synyaaw ka 8 tarik.
Katkam ka kyrwoh khubor wa da yoh, da pyntip wa kini ki 3 ngut da yoh kem na kawi ka khloo wa em ha Chibak marjan wa ka chnong Khunjoy kawa dang haap hapoh ka Ranikor Civil Sub Division hadien i kynreh wa joor da ki pulit wa ki BSF ryngkat ki paidbah wa chong chnong ka thaaiñ.
Ha ki Video wa da poor da yoo wa ki paidbah da kyriaw wei da pynlai ki dui dooh ya kitai ki damok wa da chah pynbaad wa emkti u thombor ha ka chnong New Rongdangai, heiwa u khynroo wa tip kam u Balsrang A Marak da mynsoo joor u.
Kini ki damok kiwa kieñ tiar pynmynsoo wei da rah ki leh ya ka Pistol da thombor nyngkong ki ha ka 8 tarik wei da yut ki hadien ini katwa ynne ka sngi ki pulit da pynman ki yei kdong wa joor bha ha waroh kawi kani ka thaw.
Kam wow pynkynmoo wa kiwa chong chnong ka Khunjoy-B da yoh ki wow ksoh ya uwi napyrdi kitai ki damok ynnin ka sngi wei da yoh ki leh wow chem ki tiar ki tar nadooh ki Mobile Phone, Walkie-Talkie, ka Mask, ka Combat Vest, ka poisa Bangla, ka poisa India wa chna thok, u Hatkari, ka ID pulit Bangladesh wa ki tiar pynmynsoo.
Discussion about this post