Kawi ka khynnah kynthai kawa dang 12 snem kawa sah ha iwi i chnong ha West Jaiñtia Hills District da mut ko wow chah slaitbor ha uwi u bru uwa 31 snem uwa na Mairang, Eastern West Khasi Hills hei janmiet ka 15 tarik uni u bnai deiwa psiah yabor u chapoh i yung wa sah ko heipor wym em kiwi ha yung wa ka.
Uni u bru uwa tip pyrtuid kam u Enrysing Marbaniang uwa chare masi da dat haroh u kani ka khynnah kawa da mynsoo hadooh wa da kheiñ ki chieñ khmat, da takha u rdang, u kpoh wa kiwi ki bynta.
Nyngkong ya kani ka khynnah da kit cha Jowai Civil Hospital, Ialong tangwa neidaw wa joor mynsoo ko da kit won cha NEIGRIHMS.
Neiliang ka seiñ Rongmei Phwam Shillong (Rongmei Society Shillong) da dawa ko wow pynchitom ya uni u bru deiwa khor uwa da leh ya ini i kaam iwa daw ktah ya kani ka kynnah waroh chi rta ko.
Neiliang ki pulit da dep kem ki ya uni u bru uwa da chah pynngat hapoh ka IPC waka aiñ POCSO Act.
Da dawa leh ya ki bor ka aiñ wow leh smat yei kaam yong ki yow yow lait uni u bru u tyngkleiñ yow lait na ka kti ka aiñ.
Heijooh i por leh da yaroh ki yei smat ki pulit wow kem ya uni u bru yow lait kiwi de u ngat ha ini i kaam.
