Uwi u khynroo wa 18 snem i rta da yap u hadien wa chah pynngam um yabor ha u lok u ha ka Swimming Pool ha Sambhal District ka Uttar Pradesh yeiwa da yoh u riñ da ka CCTV.
Ya uni u khynroo da tip kam u Sohail, heiwa da ksaaid u hapoh um hadien wa chah pynngam ha u lok u ha Salarpur Kalan hapoh Nakhasa Police Station ha i sngi ka 25 tarik uni u bnai.
Ki pulit da ong ki wa u Sohail dapoi u ha Swimming Pool heipor 1:00 waje i sngi chirup wa u lok u.
Kiwa ha-yung u Sohail hadien wa yoo yei Video CCTV da ong ki wa da chah tynyap u neibhah wa da yaleh u wow mih wei wow yut neini tangwa u lok yong oo da ban bait u oo hapoh um.
Hadien kattu katni por u Sohail da mih u wow yimpa charood tangwa da ngam noh u chapoh.
Ya i metyap u Sohail da chem da uwi tawon u bru uwa dang yimpa wei da toh yooh u ya i metyap hapoh um.
Katkam wa man katni uni u lok u Sohail dang yut u wei i takit leh da lai i chaphrang.
Discussion about this post