Ka Ri-Bhoi People’s Council ynne da lai khang ko ya ka Exam thung kreh Staff Nurse ha MCH Hospital, Umsning hadien wa tip wa em chiboon kiwa pyndap wei yakhun kreh toh kiwa na baar ka District.
Ya ka Exam da pynman da ka chnat i chait i khiah hapoh ka Morning Star Secondary School, Nongpoh.
U President ka seiñ, u Jason Lenox Nongrum, da ong u wa da yachem chwa ya ka DMHO ka Ri-Bhoi wow pyrchah joor yeini chwa wow khang ya kani ka Exam.
Da khana u wa ya ka Exam da pynman hadien ka Advertisement wa pynmih heiwa da khut ym du ya kiwa napoh ka District næ ka jylla tangwa da khut ya waroh na kylleiñ ka ri neibynta 20 tylli ki kreh Staff Nurse.
U Jason da ong u leh wa ha ini i wan thoh Exam da em kamwa 192 ngut na Ri-Bhoi, katwa kamwa 231 ngut toh kiwa na baar ka District.
Chooh chooh da ong u wa ka RBPC ym pyrchah ki ya kiwa wan thooh kreh na baar tangwa da dawa wow e laad chwa ya kiwa napoh ka District.
Discussion about this post