Ki kari kamai kiwa wan na baar jylla da chah pynsangeh wei chah pyndong ki manda poi ki ha Umiam ha ka laad wow lai cha ICAR.
Yeini da leh da ki seiñ wa kamai kari ka Meghalaya kiwa da phah pynhiar ya ki bru wei da kit ki da ki kari kamai na Meghalaya.
Kiwa kamai kari na Assam da ood ki yeini wa jia deiwa ong wa ki pulit wa em heini ym em leh ki iyi iyi leh wei da chem chitom ki neibhah wa da hap ki wow liwan deiwa thylli khlem bru.
Da pynbaad ki leh wa ki kari Meghalaya da chim dor ki ar chah nei dor wa jooh chim heiwa uwi uwa mut u lai cha NEHU da ong wa chim ki Rs. 500 yow lai li booh oo neini na Umiam.
Ki ar tylli ki seiñ kitæ ka All Khasi Meghalaya Tourist & Taxi Association (AKMTTA) deilang wa ka All Shillong Tourist Taxi Association (ASTTA) da maham ki wow pynliwan ya ki kari Assam neidaw wa ka sorkar ym em chimkhia ko yeiwa emkaam yong wei iwa chem chitom ki wow kamai.
Discussion about this post