Chah pynyap ar ngut ha East wa West Jaiñtia Hills

Katkam wa pyntip ki pulit, haka 10 tarik uni u bnai da yoh ujor ki na u Hamjngai Sutnga wa heipor 2:30 i sngi, uwa chi payu wa oo uwa tip kam u Iohlang Sutnga heipor wa liwan u na i thaw rep da chah pynyap u hei yahkhmat u Dawemankmen Sukhlaiñ wa kiwi ki bru wa ym tipmit ha i thaw wa tip kam i Krenshrieh iwa em hapoh ka chnong Khaidong, East Jaiñtia Hills.

Haka jooh ka sngi, u Iai-ap Swer da ujor u wa ha kani ka miet da em ki bru wa ym tipmit kiwa pynyap ya uwa chi payu wa oo u Hamsynta Swer (27 snem) ha Sohsale Nongkyllep hajan ka chnong Pdeiniadaw, West Jaiñtia Hills.