Katkam wa pyntip ki pulit, ynne ha Ichamati iwa dang haap hapoh ka Shella Police Station, East Khasi Hills, da chem yei metyap ki arngut ki bru kiwa da suba toh ki Dkhar.
Ini da jia i heipor wa pynman yakhih wow pyrchah CAA da ka KSU heipor sngi heiwa da suba da em kiwa chim kabu yeini hadooh wow pynyap ya kini ki ar ngut.
Kamwa man kattæ i long i man toh iwa iñ bha wei da phah ya ki pulit wow lai cha ini i thaw yow uiñ sonteri yow pyntikna wym jia iyi iyi.
Kiwa yap da tip kam u Esan Sing uwa da chem na Ichamati wa u Sujit Dutta na Dalda wei da kit ya ki cha thaw sumaar yow leh Post-Mortem.
Da phah leh ya waroh ki pulit wow sap ki ya ki tiar ki taar yada (Riot Gear), u rah ya ki Tear Smoke, ki lathi, ki Shield wa kiwi kiwi de yow tem ya kiwon kiwon kiwa pynkulmar yow lait u man ko kam ka yaleh sñiaw yaphær jaitbru.
Da phah leh ya u DC wow pynkrehkaam da ka Section 144 yow khang yei yalang palat 5 ngut ki bru, u rah dieñ, rah tari, u thied Petrol khutia wei wow pynman ki yalang mynstep ka sngi.
Discussion about this post