Ka Anita Chaudhary kawa man ka kynthai wa nyngkong dooh wow kamai Auto Rickshaw ka chnong Jhansi ka Uttar Pradesh, da chah pynyap ko hei step ka 5 tarik uni u bnai heiwa nyngkong kiwa emkti wow leh yeini da pynleh ki heitæ i rukom wow pyndur wa yap ko nei mynsoo ko hei kylla ka Auto Rickshaw ko.
I chlur ka Anita kam ka kynthai wow kamai Auto da yoh yaroh bha i na kiwa chong chnong neibhah najrong wa pait ko yei kaam yung heipor sngi kawa em le ngut ki khon, da kamai ko heipor step wa hei miet.
Yei metyap ka Anita da chem najan ka Station-Civil Lines Road, Jhansi heipor kamwa 2:30 i step ka 5 tarik wei da chem leh ya ka Auto Rickshaw ko wa da kylla ko dei chrooh rap hakhmat wei u kpieñ, ki khadu, ki sahchkoor ko toh kiwa da wiar deilang ka Mobile Phone. Da em leh ki dak kha ko ha i bynta i khlieh tangwa ym em kha de cha kiwi ki bynta.
Hadien wa pyndep ya ka Post-Mortem da chem wa yap ko nei chah siat na khlieh heiwa u kuli da sahkut u ha rdang.
Hei takit ki pulit da chem wa da mih ko na yung hei miet ka 4 tarik heipor 9:30 yow lai kamai wei ym em poi yung ko wei hadien wa chem yei metyap ko, neiliang u kurim ko da ong u wa chah pynyap ko.
Chooh chooh da chem wa ka Anita toh kawa em bru da uwi uwa tip kam u Mukesh Jha hadien wa ieh ko ya u kurim ko wei da yalang ko wa uni u bru kamwa 7 snem tangwa san bnai nachwa da pynkut noh ko yeini neidaw wa joor chah pyndik ko.
Tangwa u Mukesh won da pynbor bait u ka wow sah noh wa oo wei da ya tipmit ko wa oo na ka karkhana wa jooh kreh ko nachwa heiwa u Mukesh man u kam u Manager.
Ki pulit da pyntip ki wa u Mukesh da pteiñ u wow pyndik ya ka Anita heiwa da em leh kawi ka ujor pyrchah ya oo neidaw wa maham u ka deiwa yoo kiwi ki bru.
Ki pulit da suba ki wa u Mukesh da pynyap u ka ka Anita deiwa yarap u Shivam Jha uwa kam u khon u wa uwi uwa tip kam u Manoj Jha uwa emyatoh u.
Neiliang ki pulit da tyrwa ki ya ka song poisa kawa Rs. 25,000 ya kiwa pyntip yow kem ya u Mukesh heiwa ya u Shivam wa u Manoj da kem ki.
Discussion about this post