U Superintendent of Police (SP) ka East Khasi Hills, u Vivek Syiem da pyntikna u wa u khynnah wa dang 7 snem i rta da chah pynyap u wei da ong u leh wa daw pynman ya ka takit kawa bniah yow chem ya ki damok wa emkti heini.
Hadien wa da tip wa da chem yei metyap uni u khynnah ha Lum Rumnong ha Khloo Mawpat, u Vivek Syiem da lai hi u cha katai ka thaw yow takit.
Hawa klam wa kiwa thoh khubor, u SP da pyntikna u wa i yap uni u khynnah na Nongrah uwa da wiar nadooh ynnin ka sngi toh neidaw wa chah pynyap u ha ki damok, heiwa da kyntait u leh wow ong wa ini wa jia emyatoh ko wa iwa jia ini wa dep wa yap ka khynnah wa dang 4 snem kawa toh na ka jooh ka chnong, tangwa da ong u wa ki pulit u takit bniah ki yow chem yeiwa sakhiat.
U Kyrshanbor Kharmudai (7 snem) da wiar u ynnin ka sngi na Nongrah heipor wa dang yalehke u ha pchem yung heipor kamwa 4:00 waje haroh wei ynne i step da chem yei metyap u ha Lum Rumnong, Mawpat.
U SP da ong u wa ya kattæ dang yang ya ka Post Mortem Report hajrong iwa jia wei yow tip bniah yei rukom chah pynyap uni u khynnah.
Discussion about this post