Hapyrdi i kynad ki kaam khappood hapyrdi ka India waka China, 5 ngut ki bru na Upper Subansiri District, Arunachal Pradesh da chah rah yabor ki ha ki chipai ka China ki People’s Liberation Army (PLA).
Kini ki 5 ngut toh ki jaitbru Tagin kiwa da chah rah na iwi i khloo heipor wa dang lai kit dieñ ki wei lai khwe heiwa yeini da pyntip uwi na kiwa em yatoh wa kiwa chah rah.
Kiwa chah rah da tip kam u Toch Singkam, u Prasat Ringling, u Dongtu Ebiya, u Tanu Baker wa u Ngaru Diri.
Da em leh arngut kiwa lai lang wa kiwa chah rah kiwa da yoh u yut kiwa da khana paidbah ya ini wa jia haka 3 tarik.
U MLA ka 37-Pasighat West Assembly leh da pyntip u ya ini ha u Twitter deiwa pynsñiaw yei khyrngiat heijooh i por da ong u wa kattu katni bnai nachwa leh da em wa sariem kam ini iwa jia wei ka sorkar India toh u e ko yei jubab wa biang.
Ka seiñ All Arunachal Pradesh Students Union (AAPSU), da kyntu ko ya ki chipai ka India wow leh ya iwa toh u leh ki.
Neiliang won u Lt Col Harsh Wardhan Pande, Spokesperson ka Army Tezpur-headquartered 4 Corps, uwa pait yaka Arunachal Pradesh da ong u wa dang pyntikna ya ini waroh.
