15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

39 ngut kiwa dang yoh COVID-19 ha West Garo wa 27 ngut kiwa chait ha East Garo Hills

Advertisement ad1
Advertisement ad1

U DC ka West Garo Hills da pyntip u ynne i miet wa kiwa dang yoh COVID-19 hapoh ka District ynne da em ki 39 ngut wei waroh kiwa dang em ya uni u khñiang da em ki 174 ngut.

Na kiwa dang yoh toh 21 ngut kiwa na Tura kiwa chem deiwa leh yaka Contact Tracing, 12 ngut ki BSF kiwa dang liwan, 2 ngut naka ISBT kiwa dang liwan, 2 ngut na Chibinang wa 2 ngut na Jeldupara.

Da pyntip u leh wa hapoh Tura kiwa dang yoh ya uni u khñiang da ku bha ki wei i booddien ya kitu kiwa yachem wa kiwa yoh dang pteiñ hi ko. Deiwa kyntu leh ya ki paidbah wow bood ya ki kyndon.

Chooh chooh da ong u wa lada em ki bru kiwa da heh rta lada iñdoh, wa yoh yei ka’oh, kiwa chem chitom u riñ mynsien wow lai rah cha ka SARI Clinic ha Tura lane cha ki PHC/CHC ha ki thaw wa em cha palatsor.

Da pyntip u leh wa kiwa da dep chait hapoh ka District da em ki 300 ngut wa kynthup ya ki 16 ngut kiwa emlang wa kiwi ki chitom. Kiwa chait da em ki 63%.

Neiliang won u DC ka East Garo Hills ynne i miet da pyntip u wa kiwa dang chait ynne ha East Garo Hills da em ki 27 ngut katwa kiwa dang em ya uni u khñiang da em ki 70 ngut.

Kini waroh toh kiwa ym pu em wow kynthup lang hawa pynman daka sorkar jylla kiwa kheiñ hadooh 1 waje i sngi.

Ha i dur toh kiwa dang chait ha East Garo Hills.

Share this:
Previous

T. 500 u daiñ kuna ya kiwa ym deiñ Mask wa T. 1000 ya kiwa mynthu ha ki thaw paidbah: Prakash Javadekar

Next

Chah rah ki 5 ngut ha ki chipai ka China ha Arunachal