I takit wa i bichaar ya ki dkhot ka National Liberation Council of Nongkyndong (NLCN) dang pteiñ wei ynne ya ki 4 ngut ki dkhot kani ka seiñ kiwa da yoh kem ynnin 2 ngut wa 2 ngut ha ka sngi chwa kiwa da pyntip toh kiwa na West Jaiñtia Hills da lai rah ya ki cha District Court wa em ha Shillong.
Tangwa neidaw wa kjut uwi na kini, da lai rah ya ki 3 ngut cha ka yung bichaar kawah da phah wow kset ki ha ki kti ki pulit 10 sngi kamjooh yow takit ya ki.
Katkam ka khubor wa da yoh da ong wa hadooh ynne da em waroh 11 ngut ki dkhot yong kani ka seiñ kiwa chah kem noh ha ki pulit, wa kynthup ya u khynnah wa dang puræ Class X, uwa man leh u Chairman ka seiñ uwa da thmu leh wow lai chah hikai ha ki kaam pynemkaam tiar yasiat wa ki buit yaleh thma ha ki seiñ kieñ suloi wa em ha Nagaland.
Ki pulit ka jylla ha ka 16 tarik da yoh kem ki ya 7 ngut ki bru wa da chah pynbaad wa man ki dkhot ka National Liberation Council of Nongkyndong (NLCN), wei na kini ki 7 ngut uwi toh uni u khynnah wa dang khian rta wa kawi ka manbei.
Ya kini da yoh kem na ki thaaiñ Khasi wa Jaiñtia Hills.
Kam wow pynkynmoo wa ynnin da lai yah ya 5 ngut hakhmat ka yung bichaar.
Puræ leh: Yoh kem chooh ki pulit ya ki dkhot ka NLCN kiwa na Jaiñtia Hills wa uwi won na Iewduh
Discussion about this post