Chah rah uwi wa pynpoor khubor thok wa chah pynyap u Montri sorkar ha ka GNLA

Ka khubor thok kawa da pynpoor da kawi ka Facebook Page wa tip kam ka The Garo Hills Times kawa da ong wa ka Garo National Liberation Army (GNLA) da chim ko yei kitkhlieh yei pynyap ya u Montri sorkar, u Marcuise N Marak, da pynman ko ya u Marcuise wow e FIR u wei da em leh uwi uwa da chah rah ha ki pulit heiyatoh wa ini.

Ha ka FIR da ong, “Kani ka Social Media Page wa tip kam ka The Garo Hills Times ha ka 13 tarik uni u bnai da pynpoor ko ya kani ka khubor thok wa da chah pynyap O wei da bahkhlieh yeini da ka GNLA,” wei ya kani ka ujor da booh ha Williamnagar, East Garo Hills.

Da ong leh wa ini i pynpoor ya kam kani ka khubor thok daw pynkulmar wei pyntieñ ko ya ki paidbah, kamtæ da dawa wow pynman ya ka takit wa bniah wei wow pynchitom ya kitu kiwa pynpoor ya ka khubor thok.

Kani ka khubor wa da pynpoor da ka The Garo Hills Times najrong wa ong wa da chah pynyap u Marcuise uwa man leh kam u MLA ka Williamnagar, da maham ko leh ya ki heh sorkar.

Related posts

Ha ka sien wa ar pynkhreh lai yaklam biang ka MCTODA wa u DC ka EJH deiwa yieñ skem ha ki jooh ki dawa

November 3, 2025

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025