Ha ka Dorbar Mang Tangka ka JHADC ynne ka sngi, u Daeimi Liam da kylli u lada ka sorkar kynjoh ktien namo yaklam ko wa ka Council heiyatoh wa i chna ya ka High Speed Corridor Green Four Lane Highway, yeiwa u CEM u Thombor Shiwat da jubab u wa em hi i yaklam.
U Daeimi da kylli u yei bynta wa kongsan wa leh ka JHADC wow myntoi ko kamjooh ki paidbah heiwa u Thombor da jubab u wa neiliang ka sorkar paan bru ko na ka Council wow yarap ya ka wow pynsakhiat yei mantre ya ki thaw khnang wow ye u su ya ka bai thaw cha ki tre.
Chooh chooh da kylli u ya ki yingkieñ najrong ki wah wow lai kani ka sarok yeiwa u Thombor da pyntip u wa da yachem u wa ki Deputy Commissioner ki ar District (East & West Jaiñtia Hills) wei dang yang ka Council wow tip ya ka luti wow lai u sarok heitæ u tip leh najrong katwon tylli ki wah u lai u.
Hajrong ini, u Daeimi da kdaw u wa u Gas Pipeline dadep wow pynlai ya oo tangwa ym em yoh myntoi ka JHADC na ini.
Discussion about this post