Chah slaitbor ha khynnah khian hapoh ka Sleeper Bus

Kawi ka khynnah kawa dang 16 snem kawa lai puræ Class-XI kawa na Mainpuri, Uttar Pradesh da chah slaitbor ko hapoh ka Sleeper Bus da u Driver wa u Conductor.

Kani ka kynthai toh kawa dang mut wow lai cha i yung kawa emyatoh ko ha Noida wei da mih ko na yung hadien wa yamai wa ka bei u pa ko.

Neiliang ki pulit ka Delhi wa NCR da ye ki wow kem ya uni uwa yah Bus uwa tip kam u Kuldeep wa u Conductor uwa tip kam u Sandeep.

Kani ka khynnah da mih ko na yung ko na Mainpuri khlem da pyntip ko ya kiwon kiwon wei nyngkong da chong ko ya kawi ka Bus tangwa neidaw wa joor hiar u slap da hiar bakla ko ha Pari Chowk, Greater Noida.

Neidaw wa hap chah slap da pynsangeh ko ya kawi ka Sleeper Bus heiwa u Conductor da kular u wow lai booh ka cha Noida Sector-63 wei kat u ku ko da chem ko wa em du u Driver wa u Conductor hapoh.

Ha ini i por kani ka Bus da lai ko 47 Km na Pari Chowk hadooh ha Kashmiri Gate, Delhi heiwa u Driver wa u Conductor da slaitbor ki ya kani ka khynnah heipor wa dang lai ka Bus deiwa maham leh wow pynyap ka.

Ya kani ka khynnah da pynhiar ka ha Ring Road iwa em hajan ka Kashmiri Gate ISBT dei miet wei da yut ki ar ngut da ka Bus.

Related posts

Kyntait u Mukul wow em ki MLA ka TMC ki wow psiah cha ka BJP

August 31, 2026

I por wow klam yei psiah BJP ki MLA ka UDP: Sanbor

August 31, 2026

Kani ka khynnah dei bor yong ka hi da lai ko cha Kashmiri Gate Police Station yow khana yeiwa jia ya ka wei ki pulit da booddien ki ya kani ka Bus heiwa da chem ka ha Timarpur, Delhi.

Katkam wa takit ki pulit ya ki ar ngut, da khana ki wa dang wan ki na Timarpur hadien wa dep pynchna ya ka Bus ha ka karkhana wa em ha Surajpur heiwa da yoo ki ya kani ka khynnah ha Pari Chowk.

Ki pulit da kem ki ya kani ka Bus wei da pynlang pynlum ya ki sabut heiwa ka takit dang lai ko chakhmat.