Chah siat 13 ngut ki bru paidbah ha Nagaland, phah khang Internet ka sorkar

Kamwa 13 ngut ki bru paidbah da chah sait yap ki ha ki pulit chipai ka sorkar pyrdi ynnin i janmiet ka 4 tarik ha u sarok wow lai cha ka chnong Oting wa Tiru em ha Mon District ka jylla Nagaland.

Kini ki bru da chah siat ki ha ki pulit chipai heipor wa liwan ki cha chnong Oting na Lower Tiru da kawi ka kari Pickup hadien wa wan kreh mylla ki na kawi ka krem mooyong.

Ki bru paidbah da sdang ki wow thooh ya kini ki bru hadien wym poi yung ki da boon kynta heiwa da chem yei metyap ki 6 ngut hapoh ka kari Pick-up katwa arngut won da khlaad ki manda poi thaw sumaar.

Hadien wa yoo ya ini, ki paidbah da thang ki ya le tylli ki kari ki pulit chipai wei da mih i ya awri awra heiwa ki chipai da siat ki ya kini ki paidbah heiwa da yap 5 ngut wei da mynsoo 6 ngut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ki heh ka Assam Rifles won da pyntip ki wa da yoh yutip ki wa em ki dkhot ki seiñ kieñ suloi kiwa lai wa wan kamtæ da yang ya kini ha Tiru, Mon District ka Nagaland wei ini da ye u man wa bakla ya kini ki bru paidbah kam ki dkhot ki seiñ kieñ suloi.

Chooh chooh ki chipai da pyntip ki wa da phah pynman yei takit yow tip yeiwa jia wei daw pynchitom ya kiwa emkti katkam ka aiñ heiwa neiliang yong ki leh da em boon wa mynsoo heiwa uwi da khlaad u na ini i jia.

Kam chibynta wow pyrchah ya ini wa jia, ki jaitbru ka Konyak da rai ki wow dam u chimbynta ha ka Hornbill Festival kawa dang pynman kattæ ha Nagaland.

Neiliang ka Eastern Nagaland People’s Organisation (ENPO) da beiñ ko ya ini wa jia wei da kyrpaad ko leh ya ki 6 jaitbru kiwa em hapoh yong ka wow dam ki u chimbynta ha ka Hornbill Festival wei wow pynhær lama rong yong. Da dawa leh wow pyndam noh chisyndon ya ka aiñ AFSPA kawa da e bor ya ki chipai wow leh ki katwa ngait ki.

Neilaing ka sorkar Nagaland da pynmih hukum ko leh wow khang yei pynemkaam SMS, WhatsApp, Facebook wa kiwi ki rynsan Social Media deiwa khang syndon ya ka Mobile Internet/Data Service/Bulk SMS ha waroh kawi ka Mon District hadooh wa pynmih hukum da kamwi.

Neiliang u Home Minister ka ri, u Amit Shah leh da pynsñiaw u yei sñiawsih ya ini i jia deiwa pyntip wa da thung da ka SIT yow takit ya ini i jia.