theme-sticky-logo-alt
theme-logo-alt
Advertisement ad1

Neh ka yingkieñ thij khlem chah pynkhih

Hadien wa pynbna ki bor District wow sliah noh ya yingkieñ lai kjat wa pynyabi ya ki ar tylli ki skur ha Jowai kitæ ka St. Mary Mazzarello Girls Higher Secondary School wa ka Marian Hill Higher Secondary School iwa da booh tarik wow leh nadooh i step ynnin ka 4 tarik, kani ka yingkieñ hadooh ynne dang yieñ hi ko thij.

Kani ka yingkieñ ka wym em de u pynemkaam wei kawa da sih wei da sdang leh wow tkut ki bynta yong ka nei sarang, da dep wow dawa leh da ka Synjuk ki Waheh Chnong Jowai wow pyndooh noh ya ka yow lait nei jia wa sñiawsih hadien ha bood kamjooh leh wa em ko najrong ka sarok wa emkaam bha.

Kam wow pynkynmoo wa ki pulit leh da pynbna ki yei rukom lai i wan ki kari deiwa ong wa daw booh ya ki No Entry ha ki bynta wow lai cha kani ka yingkieñ nadooh 5:45 i step.

Tangwa na ki daw wym yei u kiar wa ki “Technical Problems” kamwa da ong ki bor District, i tympra ya kani ka yingkieñ da pyndam noh ki ynnin ka sngi wei ym pu em booh tarik da kawi mynnu wow leh yeini.

Kamtæ kani ka yingkieñ dang yieñ hi ko thij khlem pu ye wow pynkhih ya ka.

Puræ leh: I rukom pynlai kari heipor wa sliah ya ka yingkieñ ha Jowai

Share this:
Previous

Du 9 ngut kiwa dang yoh ha Meghalaya

Next

Chah siat 13 ngut ki bru paidbah ha Nagaland, phah khang Internet ka sorkar