Ha ka 2 tarik uni u bnai da em i jia chah siat ki ar ngut ki bru ha chnong Lakroh Hartali kawa haap hapoh ka Amlarem Civil Sub-Division neidaw wa suba emkti tooh dieñ heiwa uwi da khlaad noh u manda poi thaw sumaar katwa uwi won dang em u hapyrdi i chah sumar ha NEIGRIHMS Hospital Shillong.
Katkam ka khubor wa da yoh na ki tre chnong ka Lakroh Hartali, da ong ki ini jia i heipor sngi heiwa uwi chah siat u hapoh khloo katwa uwi won chah siat u heipor wa em ha yung.
Neitæ em leh sa uwi wa chah suba tooh dieñ uwa da chah dat hi-eh ha u tre thaw.
Uwa da khlaad noh toh uwa chah siat pyn ha yung wa sah u neidaw wada joor i mynsoo hei bynta i skep, wei uni toh uwa da em leh wa yoh u riñ Video oo iwa da poor kylleiñ kylleiñ.
Uni uwa da khlaad toh uwa pait wa yoo ha katai hi ka khloo wa chong wa sah u, wei ha katai ka sngi manda poi u tre yong oo wow kylli takit yei chah tooh dieñ, tang u jubab ym pu yoh bha u da chah siat noh u neibhah wa u tre da suba u ya oo wa emkti lang u.
Hei yatoh wa ini i jia uwa emkti wow siat da em u katte ha kti ki pulit.
Discussion about this post