Ka Ministry of External Affairs ka sorkar India da phah hajir ko ya u Ambassador ka Iran uwa em ha New Delhi ynnin i janmiet hadien wa chah siat ar tylli ki jhaad kiwa na India heipor wa lai luti ki na ka Strait of Hormuz iwa da jia ynnin hi.
Ha ini i yachem, neiliang u Foreign Secretary da pynsñiaw u yei sñiawkhia deiwa ban joor wa ka India toh u em ko hapoh ka thup ki ri kiwa yoh u lai khlem da chah pynthut kam nachwa heiwa ki jhaad wa lai cha India da yoh ki wow lai deiwa suk.
Kamtæ da pynsñiaw ha u Ambassador ka Iran yeiwa emkaam ini heiwa oo won da ong u wa daw lai rah u yeini cha ki bor ka ri Iran.
Ha ini iwa jia wa chah siat, da mih leh iwi i Audio Recording na ka jhaad Sanmar Herald kawi na ki ar tylli ki jhaad (Oil Tanker) ka India kiwa chah siat ha ka Iranian Navy hajan Oman.
Uwi na kiwa kreh ka jhaad da sñiaw wa ong u Sepah Navy (Iranian Navy) wa da chah siat ka jhaad na India wot hadien wa yohbor ko wow lai na Strait of Hormuz.
Kini ki ar tylli ki jhaad ka India kynthup ki ya ka Jag Arnav wa ka Sanmar Herald heiwa da chah siat ki heipor wa pyrchang ki wow lai luti na kani ka Strait hadien wa ong ka Iran wym siat ko ya ki jhaad na ki ri wym embynta wa ka USA wa Israel ha ka thma.
Ka Jag Arnav da mih ko na Al Jubail ha Saudi Arabia cha India katkam ka Marine Traffic. Katwa ka Sanmar Herald toh kawa kit phñiang na Iraq cha India.
Yei klam da sñiaw ya uwa kreh na ka Sanmar Herald, uwa ong wa da e bor wow mih neini wei da em i pyrtuid ko heiwa ar ha ka thup katwa kattæ nawon da chah siat ko, deiwa pynrap wow uiñ biang u.
Discussion about this post