Chah siat ka kari u Tiger Shroff ha ki ar ngut hapyrdi ki paidbah wa boon

Ka kari wa em u Actor ka Bollywood, u Tiger Shroff da chah siat ko ha thaaiñ Juhu ka Mumbai ynne i miet heipor 7:00 waje haroh.

Ki Video wa da poor ha Social Media da yoo ya kawi ka kari BMW kawa wa em u Tiger Shroff hapoh heiwa da yoo leh ya ar ngut ki bru wa siat ka da ki Pistol kiwa da yut na kani ka thaw mar ya dep ki wow siat.

Kani ka kari toh kawa em Number MH-02GE-0264 kawa dang lai luti na u sarok wa em boon ki bru heiwa syndet da mih ar ngut kiwa siat ya kani ka kari neiliang wa chong u Tiger Shroff.

Tangwa da mynsoo da uwa yah kari uwa da toh kuli ha ka kti tidiang wa uwi u bru paidbah uwa em charood. Uni uwa yah kari da hiar u napoh kari wei da ku da u Tiger yow yah ka heiwa uwa yah kari ya oo da psiah u neiliang wa chong bru wei da kit ya oo cha thaw sumaar.

Related posts

Lai pynsangeh ka KSU ya kiwa thang bomkala hadien wa da kut i por wa booh

November 9, 2026

Da ki phaw hajar wa wan cha ka Gospel Concert ha Tura kawa pynman deiwa kyrchaan ka sorkar

November 9, 2026

Neiliang ki pulit dapoi ki cha kani ka thaw wei da suba wa ki bru wa embynta wa ka Lawrence Bishbnoi Gang kiwa embynta heiwa u Anil Pandit wa u Harman Sandhu da kitkhlieh ki yeini wa jia deiwa pynbna ha ki rynsan Social Media.

U Pandit da maham u leh ya kiwon kiwon kiwa ya krehlang wa u Salman Khan wa daw man ki kam kiwa da chah mang.