Ynnin i miet heipor kamwa 9:30 u pa yong u L. Sanjoy Singh, u Shamjai Singh da mynsoo u hadien wa chah siat u ha ki bru wym tipmit heipor wa lai chimbynta u ha ka yalang Election ha Yairipok Yambem Leikai.
U L. Sanjoy Singh toh u kyrtong MLA ka NPP na Andro Constituency ka jylla Manipur.
Neiliang u National President ka NPP uwa man leh u Montri Rangbah ka Meghalaya, u Conrad K Sangma da ong u wa ini toh i leh ki bru wa da wiarnar wei tieñsar ya kani ka Election wei ini toh iwa ymye wow pdiang neibhah kani toh ka synchaar paidbah.
Da kyntu u ya ka Election Commission, ka chnat ki kaam pohyung ka ri wow chimkhia ya ini waroh iwa jia wei wow pynchitom ya kiwa emkti.
Kam wow pynkynmoo wa ka Election MLA ha Manipur daw pynman ha ka 28 tarik uni u bnai.
