Chah siat wei ah rdang sa uwi u Hindu ha Bangladesh

Sa uwi u Hindu da chah siat u ha Bangladesh wei uwa kattæ toh uwa 45 snem i rta uwa man leh u tre karkhana wei kreh u leh kam u Acting Editor kawi ka kot khubor.

Uni u bru wa tip kam u Rana Pratap najrong wa chah siat u na khlieh, da chah ah rdang u leh heiwa da em kiwa da ong wa em boon ki Case pyrchah ya uni u bru.

Ini da jia i hadien le ngut chwa ki Hindu kiwa da chah pynyap ha Bangladesh nadooh u bnai wa dep.

U Rana Pratap da chah pynyap u ha Kopalia Bazar ka Manirampur Sub-District ha Jashore heipor kamwa 6:00 waje i janmiet ka 5 tarik.

Related posts

Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

June 7, 2026

Chah kem uwa kreh sorkar hadien wa chem ya ka poisa wa palat Rs. 2 klur deilang ki yung ki sem wym yahaap wa iwa yoh tulop u

June 7, 2026

Ka khubor wa da mih da ong wa da em ki bru wa wan da ka thuk-thuk cha ka karkhana u Rana kiwa da khut ya oo wow mih u cha lait wei da mih i yania heiwa da sait ki ya u Rana na khlieh le sien wei da ah rdang ki oo leh.

U Abul Kashem uwa man kam u Editor ka kot khubor BD Khobor wa krehlang u Rana da ong u wa hanla em u Rana boon ki Case pyrchah ya oo tangwa ym em chah rai pynrem u.

Kiwi won da pynbaad ki wa u Rana toh uwa emkti wei man u kam u dkhot ki Extremist Group.