I lehkmen sngikha ha Khurja Nagar, Bulandshahr da kylla i cheiwa sñiawsih nei yap ki 3 ngut hadien i awri wa mih nei chah biah Cake uwa dap snem heipor wa lehkmen hapoh ka Gym.
Ki pulit da ong ki wa ki 3 ngut wa yap toh u Amardeep Saini, u Manish Saini wa u Akash Saini heiwa uwa dap snem, u Jeetu Saini da yut rieh u katni wa ki lok u.
U SP (Rural), u Antriksh Jain da ong u wa ki pulit ka Khurja Nagar Police Station da lai ki cha i thaw wa jia mar yoh ya ka yutip.
Da ong u wa ki pulit da chem ki wa da chah siat 3 ngut ya kiwa da kit cha Hospital heiwa da yap noh ki chwa u poi thaw sumaar.
Chooh chooh da ong u wa da chna ya ki 6 tylli ki Team wow kem ya u Jeetu wei da em ki lok u kiwa da chah kem.
Kiwa ha-yung yong ki 3 ngut da khana ki wa da biah Cake ki ya u Jeetu, wei neiliang yong oo da mih u neini i thaw wa ki lok u du wow wan biang wa ka Pistol wow siat ya ki.
U DIG ka Meerut Range, u Kalanidhi Naithani wa kiwi ki heh pulit da lai ki cha i thaw wa jia heiwa i takit dang lai i chaphrang.
Discussion about this post