Soo ngut ki damok da chah siat yap ki hadien i yasiat wa ki pulit ha Songsak, East Garo Hills iwa da jia ynne i step heipor wa dang pynman ki yei kynreh kari.
Ini da jia i heipor wa ki pulit dang pynman ki yei kynreh kari ha sarok heipor kamwa 4:00 waje i step neidaw wa em ki damok wa leh ya ki kaam pyrchah aiñ ha kani ka thaaiñ kamjooh ha Assam.
Kini ki damok manda yoo ki ya pulit da siat syndet ki wei hawa pynuiñ kuli ki pulit da chah sait yap soo ngut.
Ki pulit da ong ki wa kini ki soo ngut ye ki wow em ha ki kaam pyrchah aiñ ha chiliang pood ha Tapra, Assam iwa da jia ha ka 25 tarik uni u bnai.
Kini ki soo ngut toh kiwa tip kam u Alachon Marak uwa na Meghalaya wei kiwi won toh u Kalam Sheikh na Agia, u Bhabidul Islam na Krishnai wa u Sustam Rabha.
Alachon Marak toh uwa da chah pynbaad wa emkti hei siat ya uwi heh spah ha Dudhnoi uwa tip kam u Abu Sayed uwa da chah siat ha ka 23 tarik uni u bnai.
U Sustam Rabha won toh uwa emkti ha ki kaam lute bru ha ka thaaiñ Dudhnoi hi.
Discussion about this post