Ki pulit ka Goalpara District, Assam da siat yap ki ya arngut ki damok ha i chnong wa tip kam i Nichinta hadien wa siat kylla kini ya ki pulit kiwa wan kem ki heiwa da mynsoo leh uwi u pulit ynnin i step synyaaw.
Ini da jia i hadien wa ki pulit da tip ki yei em kini damok wa da bna naam kiwa da pynsier mynsien ya ki bru wa sah ha kani ka thaaiñ wei da lai ki cha ini i thaw dei thmu wow kem ya kini tangwa manda sdang poi ki pulit ha i thaw rieh kini, da chem toh kiwa da pynkhreh wei da sdang ki wow siat ya ki pulit.
Dei wym yohsa, ki pulit leh da siat ki heiwa da yap noh kini ki ar ngut.
Kini kiwa chah siat toh u Amar Thapa wa u Faridul Islam heiwa u Amar toh uwa da leh boon ki kaam pyrchah aiñ wei jooh ya krehlang u leh waka Garo National Liberation Army (GNLA) wei da em u boon ki Case pyrchah ya oo nadooh ki kaam pynyap bru wei lute bru.
U pulit wa mynsoo toh u OC ka Agia Police Station uwa tip kam u Manoh Kumar Das uwa da toh kuli.
Ki pulit da yoh ki leh wow kem ya ka kari wa pynemkaam kini ki damok kawa da pynemkaam ki wow lute ya kiwa boon ki bru ha ki chnong wa em hapoh ka Goalpara District.
Discussion about this post