Chah siat yap ka Influencer ha yung wa sah ko

Kawi ka Influencer wa 17 snem i rta na Upper Chitral, Pakistan, ka Sana Yousuf da chah siat yap ko ha i yung sah ko ha Sector G-13, Islamabad ynnin ka 2 tarik.

Ka Sana Yousuf toh kawa em palat 5 lak Followers ha Instagram.

Neiliang ki pulit da ong ki wa ka Sana da chah siat ko ha u bru hadien wa kyntait ko yei tyrwa yong oo wei da wan u cha yung yong ki heiwa da siat u ka kattu katni kuli chwa wow yut u neini i thaw.

Ynne ki pulit da kem ki ya uni u bru wa tip kam u Omar Hayat.

Related posts

Da wanrah ya u Himan Gogoi cha Shillong

May 30, 2025

Chah kem 8 ngut ki Bangladeshi wa wan da ar tylli ki kari | Maham ka JSU ya kiwa yarap

May 29, 2025

Katkam ka takit, u Omar da pyrchang u wow yaklam wa ka Sana da boonsien ha ki Social Media tangwa ym bien ko wei da tyrwa u leh yei maya ya ka. Ha ka sngi wa jia ini, manda tip u wym em ka bei ko ha yung, da lai u cha i thaw wa sah ko heiwa da wai dwar ko leh ya oo tangwa da beh ka oo wei heini i por da sai Pistol u wei da siat u ka ha rupai.

Ya i metyap ka Sana da kit cha Pakistan Institute of Medical Sciences (PIMS) wow leh ya ka Post-Mortem wei i takit dang man i iwa lai chaphrang.

Hadien ini i jia, ki paidbah ha ki Social Media da dawa ki yei hok neibynta ka Sana. 

Ka Sana toh ka khon uwa kreh monsñiawbha wei jooh pynemkaam ko ya ka Social Media wow pynyoo ya i rukom im, i hok ki kynthai, i stat i tip wa kiwi ki mat wa ktah ya ka imlang sahlang.

Ini ymtoh i sien wa nyngkong wow chah siat yap ki Influencer ha Pakistan, heiwa ha uni u snem kawi ka Influencer wa 15 snem wa tip kam ka Hira da chah siat yap ko ha Quetta pyn ha u pa wa u ma yong ka neidaw wa booh Video ko ha TikTok.

https://www.instagram.com/sanayousaf22