Kawi ka khynnah na India kawa lai puræ ha Ontario, Canada da chah siat yap ko ha ka 16 tarik uni u bnai.
Ya kani ka khynnah da tip kam ka Harsimrat Randhawa wei dang lai puræ ko ha Mohawk College ha Hamilton, Ontario wei i tre ko toh na jylla Punjab.
Ki pulit ka Hamilton kiwa dang takit yeiwa jia da ong ki wa ka Harsimrat kawa 21 snem toh kawa luilui wei kawa yieñ yang bus donhi.
Da ong ki wa u kuli da toh u ha rupai ko hadien wa em i yasiat hapyrdi ki ar tylli ki kari wei i takit hajrong ini dang lai i chaphrang.
Chooh chooh ki pulit da ong ki wa da yoh yutip ki wa em i yasiat ha Upper James wa South Bend Road Streets ha Hamilton heiwa da chem ki ya ka Randhawa kawa da toh kuli na rupai tangwa da yap noh ko chwa wow poi cha hospital.
Heijooh i por da kyntu leh ya kiwa em dashcam næ security camera wa em hajan i thaw wa jia hapyrdi 7:15 wa 7:45 i miet wow wan yarap da ki video khnang wow pynsuk yei takit.
Discussion about this post