Chah siat yap u koidi wa chah sumaar ha Hospital ha ki san ngut | Yoh riñ ka CCTV

Iwa jia wa sariem kamwa pait phlim, ki san ngut ki bru ki wym tipmit ynne ka sngi da siat yap ki ya uwi u koidi wa chah sumaar ha ka Hospital ha Patna ka jylla Bihar. 

Uni u koidi toh u Chandan Mishra wei da lait jamin u khnang wow chah sumaar u ha Paras Hospital tangwa da wan wa ki san ngut ki bru kiwa da sai Pistol uwi hadien uwi wa da kynset ki ha tympong wei psiah ju cha kamra wa thiah kjut u wei da siat yap ki oo, da pyntip u SSP ka Patna, u Kartikay Sharma.

U Chandan Mishra toh u damok wa da naam bha heiwa da emkti u ha ki kaam wow tynyap ya palat 12 ngut ki bru heiwa ki pulit da suba ki wa yeini da leh da ki Gang wa pyrchah ya oo.

Uni u heh pulit da pyntip u wa u Chandan Mishra toh uwa na Buxar District wei da kyrriah ya oo na Buxar cha Bhagalpur Jail wei da thiah chah sumaar u ha kani ka Hospital wei dang takit wow tipmit ya ki san ngut wa siat yap ya oo ya kiwa suba toh na ka Chandan Sheru Gang.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Chooh chooh da ong leh wa kini ki san ngut da wan ki da ka kari wei da yut wot ki na ini i thaw hadien wa siat yap ya uni u koidi.

Yeini wa psiah kini ki san ngut chapoh kamra chah sumaar u da yoh leh wow riñ da ka CCTV.