Ha iwi i jia ha Bareilly, Uttar Pradesh, kawi ka khynnah wa dang 11 snem da chah slaitbor ko boonsien wei da chah maham chah pyntieñ ko ha uwi u manpa wa tip kam u Rashid uwa em 31 snem i rta wei da kha ko yei khon wym biang bnai iwa da yap noh hadien ki minit ynnin ka sngi.
Ki Doctor ha District Women’s Hospital da ong ki wa ini i khonboo toh iwa dang du 7 bnai ha kpoh wei im i du kamwa 30 minit. Ini da wanrah i yei chrai ki paidbah kiwa da lai kem noh ya uni u manpa.
Ki pulit da Register ki ya ka Case pyrchah ya u Rashid, u manpa wa em ar ngut ki khon, da ong u Nawabganj Station House Officer, u Arun Kumar Srivastava.
Ki pulit da chim ki leh yei DNA na i khonboo wa yap yow pait lada yatoh i wa i yong u Rashid.
U payu kani ka khynnah da ong u wa u Rashid da khut u ka cha yung u wow e soh u ya ka wei heitæ da slaitbor u ka wei da pyntieñ da maham u wow tynyap ya kiwa ha-yung yong ka wei da riñ u leh i Video wow pteiñ u slaitbor ka.
Hadien wa kani ka khynnah da ood ko wa sooh kpoh ko, heitæ da chem ki yeiwa da jia wei hawa yaklam ki wa ki Doctor da leh ki ya ka Ultrasound heiwa da chem ki wa da punkhon ko la 7 bnai wei da kit wot ya ka wut-wut cha District Women’s Hospital.
Ki Doctor da pyntip ki leh wa kani ka khynnah da chitom joor ko hadien wa kha yeini i khon neidaw i rta yong ka, wei yeini da pyntip u CMS ka District Women’s Hospital, u Dr. Tribhuvan Prasad.
Discussion about this post