I leh uwi u Additional Superintendent of Police (ASP) ka Seoni District, Madhya Pradesh da pynkhyrngiat i ya kiwa boon hadien wa maham u wow booh da u bhang ha muna ki chijur lada ym phah wan ya ka bei wow pa.
Katkam i Video wa da mih na i Hotel, da pynchrai bha i ya kiwa boon heiwa da maham wei pyntieñ u ya kini ki chijur.
Ini da jia i ha ka 13 tarik u November ha i Hotel wa em ha Babariya Road, hapoh ka Dundasivani Police Station heiwa u tre ka Hotel, u Sanjay Sanodia da pyntikna u wa ini i Video toh iwa na Hotel u.
Kini ki chijur da sah ki ha i Hotel katwa dang pynman ki pulit yei kynreh hapoh i yahkhmat u Additional SP, u Deepak Mishra.
Ki pulit da phah ki ya ki chijur wow Phone ya ka bei næ u pa yong ki wei manda kyntait ki da phah u ya u pulit wow booh da u bhang hapoh ka muna yong ki wei wow Register da ka Case pyrchah ya ki.
Hadien wa mih ini i Video, neiliang u Superintendent of Police ka Seoni, u Krishna Lal Chandani da phah u wow pynman ya ka takit hajrong ini.
Ya u Additional SP, u Deepak Mishra da chah Suspend u katwa uwi won u sahep SDOP, u Kotwali TI Satish Tiwari da phah kyrriah kreh ya oo.





Discussion about this post