Shillong : Ka yutip na ka tnat Transport da ong wa u District Transport Officer ka Nongstoin, u C. Khonglam, da chah beh kaam chipor u (suspended) hadien wa da slaitbor u pyn ya ki khon-nah u ha quarter sah yong oo heipor wa man DTO u ha Jowai.
U Commissioner & Secretary ka Transport Department, T. Dkhar, da pynmih u ya ka hukum ynnin ka sngi hei yatoh wa ka mukotduma pyrchah ya u Khonglam hei jooh i por leh katkam ka Service Rules.
Kam wow pynkynmoo heini u Khonglam, da slaitbor u ya ar ngut ki khon-nah u kiwa 14 wa 12 snem i rta nadooh u snem 2014 hadooh u 2015.
Ka beikhian kini ki khynnah da ujor ko wa u Phrangchwa Mulieh uwa man leh uwa yah kari yong u Khonglam, leh emkti u ha ini i kaam.
Ka mukotduma hei yatoh weini dang pteiñ i hapoh ki yung bichaar. Ya i daw wa chah suspend u Khonglam ye phi u puræ heini ha wah.
Also Read: Ujor wa ksohbor u pa-nah ya ar ngut ki khon khynnah
Discussion about this post