15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

E khublei ka Dorbar Chnong Musiaw wa jop ka Project pyllang um slap

0 Comments

Jowai : Ka sorkar dei langær e sikai ko ya ki paidbah kamjooh da pynchlur ko ya ki u pyllang ya ka um slap, kamtæ ka Dorbar Chnong Musiaw lyngba u Waheh Chnong yong ka u Deimonmi Tang chirup wa u Secretary ka Chnong u Shibait Langstang da booddien ki wei da pyrchang ki u paan yarap na ka sorkar wow yoh ya kani ka project hapoh chnong.

“Du hadien kamwa chi bnai neiwa e sikai (training) ha District Library, Jowai da yoh ya ka Sanction lyngba ka recommendation yong u Arunkumar Kembhavi, Deputy Commissioner warim ka WJH wa da pynkreh da ka office BDO Laskein Block lyngba ka Musiaw VEC, da yoh ya kani ka scheme” da ong u Deimonmi Tang.

Advertisement ad1

Hadien wada dep pynkreh ya kani ka Project hapoh ka chnong Musiaw da chem wa kani ka kaam da man ko ka wa jop wei kawa da yoh myntoi ya ki wa chong chnong yong ka chnong Musiaw.

Kamtæ ka Dorbar Chnong Musiaw wa ka VEC da pynsñiaw ko ya i mynsien sñiawngooh wei burom ya ka Basin Development Unit West Jaiñtia Hills Jowai, ka Laskein EFC, u Arunkumar Kembhavi, Deputy Commissioner warim ka WJH, A.R. Shivakumar, Scientist, KSCSTE, B.J. Kharshandi EAC & Nodal Officer BDU Jowai, L.T Tariang, Block Development Officer, wa ya waroh kiwa pynman ya kani ka project ka wa jop.

 

Previous
Next

0 Comments

Leave a Reply