Ka sorkar Manipur da Suspend ko ya uwi u sahep IAS uwa tip kam u Ng. Roben Singh neidaw wym bien u wow chimkti yei kaam yong oo kam u Deputy Commissioner ka Jiribam District.
Ha ka hukum wa da pynmih da u Chief Secretary ka Manipur, u Vineet Joshi, da ong wa u Lat ka Manipur katkam ki bor wa da pynkup ha oo hapoh ka Rule 3 ka All India Service (Discipline & Appeal) Rules, 1969, da Suspend noh chisyndon ya u Ng. Roben Singh, IAS.
Ka Department of Personnel and Administrative Reforms (Personnel Division) ka jylla Manipur ha ka 2 tarik uni u bnai da kyrriah ko ya u Ng. Roben Singh IAS uwa man kam u Joint Secretary (Cooperation/RD &PR), ka sorkar Manipur yow man noh u kam u Deputy Commissioner ka Jiribam District, Manipur.
Tangwa uni u sahep IAS da e jubab u cha u Deputy Secretary (DP) ha ka 12 tarik uni u bnai wow pyrkhat deiwa yeini wa da phah ka sorkar wow thung ya oo kam u Deputy Commissioner ka Jiribam neidaw wa dang joor i kynaad hapyrdi ki Meitei wa ki Kuki wei ym man chngaaiñ wow lai kreh ha ki thaw wa boon ki Kuki neidaw wa oo toh u Meitei kamjooh leh kiwi ki sahep sorkar kiwa man kam ki Meitei.
Da e daw u leh wa ini i kyrriah kreh ya oo toh i wym miat wow man kam u DC ha kani ka District wa joor bha ki kaam wa yoo chyrkhei iwa jia.
Uni u sahep da toh u wow chimkti kam u DC nadooh ka 10 tarik uni u bnai wei ha ka hukum wa Suspend ya oo da ong wa hap u wow neh bait kattu ha Imphal wei ymtoh u mih u chawi khlem da yoh bor chwa.
Discussion about this post