I sorjamin thaw ha Sidhi District ka Madhya Pradesh da kylla i chei chah suspend u sahep sorkar hadien wa poor i Video wa phah bah u ha u tymmen wow kaap ya u dooid wa dap um.
Ini i Video da poor i ha Social Media hadien da ki bnai neiwa jia heiwa u Patwari Nilesh Namdev da phah bah u ha u Lalwa Kevat uwa man u tymmen na chnong Mata wow kaap ya u dooid.
U Namdev da sap u da ka Jacket wa ki juti katwa dang bah u Kevat ya oo.
Ini wa chah bah u Namdev da chah beiñ bha i heiwa da kylli kiwa boon yei rukom leh u khamtam kam uwa chakri paidbah.
Hadien ini, ka SDM ka Sidhi, ka Priya Pathak da Suspend ko ya u Namdev, wei u Additional Collector BP Pandey da phah u wow pynman yei takit hajrong ini.
Discussion about this post