Ha iwi i jia wa da yoo danda, uwi u Sub Divisional Magistrate (SDM) ka Patna, u Shrikant Kundlik Khandekar, dei bakla da chah sympat lathi u heipor wa pynman ya ka Bharat Bandh ynnin ka sngi.
Ha iwi i Video wa da poor, da yoo wa u Khandekar uwa sap sula yung (Civil Dress) da chah sympat u ha uwi u pulit hadien wa phah pyndam u ya ka tanghæng deiwa bood ki pulit oo nadien heiwa uwi na ki da sympat bakla u ya uni u Magistrate.
Ya uni u pulit da taan da kiwi ki para pulit kiwa da khana yei bakla u wei da yoo wa uni u SDM wa mai u ya uni u pulit uwa da paan maap yeiwa bakla u.
Ini waroh da jia i ha Dak Bangla Square ha nongbah ka jylla Bihar ha Patna.
Neiliang ki pulit khnang wow beh ya kiwa yakhih da pynemkaam ki leh da ki kari tymplæh diñ wow siat da ka um.
Kani ka Bharat Bandh da pynman heiyatoh wa ka Reservation Policy heiwa ka Supreme Court da chah ko wow kheiñ ya ka Reservation deiwa phiah chooh chooh (Sub-Classification) ya ki SC wa ST heiwa kiwa pyrchah da ong ki wa ini daw ktah i yei hok ki ST wa SC.
Puræ leh: Ki ST/SC kiwa da biang i yoh i kot ymtoh de u yoh bynta ki ha ka Reservation: Supreme Court
Discussion about this post