Hadien wa u Dr. Celestine Lyngdoh uwa man kam u MLA ka Umsning Constituency da mih noh u napoh ka Congress yow lai kyrchaan ya ka National People’s Party (NPP), neiliang ka Umsning Block Congress Committee (UBCC) da pynman ko ya ka yalang ka Central Executive Committee ha Umsning ynnin yow ap yeiwa sñiaw kiwa kyrchaan ka Party.
Hadien ka yalang hawa yaklem wa kiwa thoh khubor, neiliang u UBCC President, u Rocky Marwein da ong u wa u Dr. Celestine da chim u yei rai dei bor yong oo samen khlem da tip kiwa kyrchaan ya oo næ deiwa yoh i kyrchaan ka Umsning Block Congress Committee ki wym tip iyi iyi yeini wa lai psiah NPP u.
Chooh chooh da pynche u wa heipor wa pynman ya ka yalang ka Central Executive Committee ha ka 10 tarik uni u bnai, u Dr. Celestine dadep ong u wa kwah hi u wow lai kyrchaan ya ka sorkar yow wanrah ki kaam pynroi hapoh ka Umsning Constituency. Tangwa ini waroh toh i sñiaw yong samen donhi u MLA ymtoh deiwa yoh kyrchaan u na ka UBCC.
U Marwein da khut u leh wa waroh kiwa kreh ka Party wow man ki kiwa yatylli waka Congress.
Discussion about this post