Shillong: Da em la ar sien wa pyrchang wow thang dooh ya ka kpær kawa emlang wa i yung yong ka Wanlang Lyngdoh, kawa chi payu tre wa u kyrtong MDC ka People’s Democratic Front (PDF), ha Thad Muthlong (Mushut) .
U Manbha Lyngdoh toh u kyrtong MDC ka PDF cha ka Jaintia Hills Autonomous District Council (JHADC) na 20 Muthlong-Sohkymphor Constituency.
“Ini i jia wow pyrchang u thang ya ka kpær da jia i miet ka 24 tarik uni u bnai wei da antaad wa da jia heipor 8 waje heipor wa ym em bru ha yung neibhah em ki cha ka yalang Election,” da pyntip u Manbha.
Da ong uwa nyngkong yoo dur ym em mutdur wow kop diñ hanlada da suba wa da em wa thang.
“Kopsar neidaw wa ym em iñ kamwa da thmu, i suba i wa em ki damok kiwa ym tipmit kiwa da pyrchang wow thang diñ biang ya kani ka thaw ha ka 25 tarik wei da yarap tympleh ya i diñ da ki paidbah wa ki diah yong nga,” da pyntip u leh wa ka kpær man ko kawa rben khloo bha.
“I da pyntip i leh cha ki pulit kiwa da wan smat cha kani ka thaw,” da ong u. Hawa kylli, da ong, “Nga ym ye O wow ong wa toh ki kaam ki damok namo wa neidaw wa nga yeiñ O wow yaleh Election tangwa ki bor ka aiñ daw leh ki ya iwa emkaam,” da ong chooh chooh u.
Discussion about this post