Chah thang ka khynnah wa dang 15 snem ha ki 3 ngut

Kawi ka khynnah wa dang 15 snem da chah thang ko ha ki 3 ngut ki bru wei ini da jia i heipor 8:30 ynne i step heipor wa lai ko cha yung ka lok ko wow pynuiñ ya ki kot skur.

Katkam wa chem ka takit, da em 3 ngut ki bru wa wan da ka thuk-thuk kiwa da pynsangeh ka ha iwi i thaw wa langam hajan ka wah Bhargavi wa dang haap hapoh ka Balanga Police Station wa em ha Puri District ka jylla Odisha heiwa kini ki bru deiwa tymmoh yei khmat ko dei that lumar da rah ki ka dep tæ theh ki ka da i kynja phniang wei hadien wa thang ka da yut ki na ini i thaw.

Ki tre chnong mar ya sñiaw yeiwa em kawa kiad, da lai yarap ki ya kani ka khynnah wei da kit ya ka cha Community Health Center ha Pipili wei hadien da kit won ya ka cha Capital Hospital ha Bhubaneswar neidaw wa joor i iñ ko.

Kani ka khynnah da iñ ko na kti wa na kjat.

Heiyatoh wa ini ki pulit dang pynman ki ya i takit wow kem ya kini ki le ngut.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

Ini da jia i du hadien kattu katni sngi wa em kawi ka kynthai wa thang pyn ya ka hi hadien wym em leh iyi iyi ya ki ujor ko wa chah leh khlemakor ko ha uwi u Professor hapoh ka jylla Odisha hi.

U President ka BJP, u Naveen Patnaik da sñiawkhia u hajrong ini iwa jia wa thmu wow tynyap ya kani ka khynnah dei thang deiwa ong wa ki kaam pyrchah ya ki khynnah wa ki kynthai dang ku i hapoh kani ka jylla.