Jowai : Ki bor ka district West Jaiñtia da thooh ki ya ki laad kiwa ha rukom yow pynman ya ka District kamjooh ka Jowai wow man ko kawa khooid wa jngiar.
Iwi na ini i pyrchang toh wow pynyieñ ya ki thaw noh-jhep lyngba ka Swaach Bharat Abhiyan ya kiwa da pynyieñ ha kiwa boon ki chnong kamjooh ha Jowai.
Katkam ka yutip wa da yoh da ong wa ha ka miet 1 tarik uni u bnai kawi na kini ki thaw noh-jhep wa da pynyieñ ha Laad Kynkoorsaphlang da chah thang ko.
Katwa man ko kawa chna da ka plastic wa rben kani ka thaw noh-jhep da iñ lut ko.
Neiliang ki bor district da pyntip ki wa ha kylleiñ ka West Jaiñtia da pynyieñ ki hadooh 400 tylli kini ki thaw noh-jhep iwa kynthup ya ki 200 tam ha Jowai.
Hadien ini i jia wa chah thang ko, ki bor district da kyntu ki ya ki paidbah wym hoi u thang ya kini ki tiar wei lada yoo ki wow tympleh ki yei diñ bran bran neibynta i bha i miat ka chnong ka thaw waroh kawi.
Discussion about this post