Jowai: Ha i step ka 31 tarik u bnai wa da dep da em uwi u bru uwa ym tipmit da wan u da kawi ka kari Wagon-R wei da thang u ka kani ka kari ha khmat ka Gate yung sah u MP ka Bharatiya Janata Party (BJP) na Arunachal East, u Tapir Gao wa em ha Niti Vihar, Itanagar heipor 6:30 i step.
Uni u bru da pynyap u leh ya uwi u ksaw wa em ha khmat ini i yung deiwa thlieh ya oo da ka wait.
Hadien ini i jia da wan ki kari tympleh diñ yow tympleh yei diñ.
Ya ini waroh da yow wow riñ dur da ki CCTV Camera wei neiliang kiwa ha yung u MP da ujor FIR ki wei u Gao leh da pyntip u cha u Chief Secretary ka jylla ya ini i jia wei da em leh kiwa maham oo wa ya ki dkhot ka Party ha ki Social Media.
Neiliang ka BJP State Unit ka jylla Arunachal Pradesh da beiñ joor ko ya ini wa jia deiwa ong wa ym em thaw haka imlang sahlang ya ki bru wa kwah u pynthut yaka suk ka saiñ wei ka aiñ toh u man ko kawa jop ha kam kini ki por.
Ynne ka sngi won ki paidbah da mih paidbah ki wow pynman yaka yalang wa jai jai yow pynsñiaw yei pyrchah ya ini wa jia deiwa yachemlang ki ha Tennis Court, Itanagar yow phah yaka khubor wa kwah ki yei chongsuk chongsaiñ.
Neiliang ki pulit dang pynman ki yaka takit yow chemdien ya uwa emkti.
Ha kani ka Election MP u Gao da pynrem u ya u Lowangchwa Wangat u kyrtong ka Congress da 69,948 Vote heiwa u Gao da yoh u 1,52,883 Vote katwa u kyrtong ka Congress da yoh u 83,935 Vote.
Discussion about this post