Chah thang kawi ka kari Scorpio ha Shillong wa kiwi ki kaam pyrchah aiñ

Jowai: Ha ka 21 tarik uni u bnai katkam wa pyntip ki pulit u Henest Rymbai wa u Dipak Debnath da ujor ki wa heipor 9:45 i step heipor wa dang lai u cha Motinagar, Pollution Control Board, Shillong ha kawi ka kari sorkar wa em ya u number ML-01-7529 yow lai thooh ya ka R. Rymbai, Asst. District Judge, Shillong da chah dat moo ka kari ki.

Ini da jia i heipor wa da poi ki ha Pollution Control Board Office, heiwa kani ka kari da toh tyrrah ko ya ki ksaw wa ya dait ha sarok wei da wan uwi u bru wa tip kam u Elwin Nongkhlaw uwa da wan wow dat ya kiwa ujor wei da pakhot moo u ya ka kari ki.

Ha ka 20 tarik uni u bnai ki pulit da kem ki ya kawi ka Truck wa em ya u number ML-05-3681, heipor wa dang kit mooyong tooh ko pyrchah ya ka hukum ka NGT ha Soo Kilo, Sutnga EJH, tangwa uwa yah Truck da yohlaad u wow yut na ini i thaw.

Ha ka 25 tarik uni u bnai da em ki damok wa thang ya kawi ka kari Mahindra Scorpio wa em ya u number ML-05E-2594 kawa man yong ka Jonali Chetia kawa pynyieñ ha pchem ka Umpling Girls School, RR Colony, Rynjah, Shillong.

Related posts

Chah kem uwa kylliang ya u QR Code ka Petrol Pump yow lai ka poisa cha oo

November 11, 2024

Chah slaitbor ka khynnah wa dang 10 snem ha West Jaiñtia Hills, chah kem uwa emkti

November 10, 2024

Ha ka 22 tarik won u Sephy Masudul Hassan da ujor u wa heipor 3:30 nohchariñ ka sngi da em ki bru wa tooh ya ka Mobile Phone u naka Billing Counter ka 101 Area, CSD Canteen, Upper Shillong.

Hadien ini da chem lyngba ka CCTV wa u Ramesh Boro toh uwa tooh ya kani ka Mobile Phone.