Chah thok i ha uwa 17 wa 23 snem, daw pynkhle biang ya ka First Prize: Chi Iung

Ki dkhot ka Chi Iung Multiple Purpose Society, kawa man leh ka seiñ kawa pynkhle Lucky Draw kiwa da chah pynbaad wa leh tooh, ynne ka sngi da wan yachem ki wa kiwa thoh khubor yow pynche yeini wa chah pynbaad wa da sooh buit chwa ki neibynta ka First Prize ka Lucky Draw kawa man da ka Truck Dumper kawa chongdor Rs. 40 lak.

U President kani ka Society, u Kynpham Lamurong da khana u wa i chah pynbaad wa emkti ki Chi Iung wow leh thok ya ka First Prize da pyndaisarom ko ya ki kam kiwa pynman pynlai wei da ujor FIR ki ha ki pulit ka Phramer.

Da khana u wa hei takit ya u khynnah wa klah ya ka Ticket First Prize, da phla u ha ki pulit wa da murieh u ya ka Ticket ha sla kjat wei heini da chem yeiwa sakhiat wei da phla u leh wa em ki ar ngut kiwa emkti wow leh tooh ya ka First Prize ka Lucky Draw.

Da pyntip u wa kini ki ar ngut, uwi toh uwa dang 17 snem i rta katwa uwi won toh uwa 23 snem.

Related posts

Ymtoh ki tre chnong wa pynyap ya u Raja ileh won kwah ka sorkar wow pyndait da ki Tracking Device ha ki Local Taxi: EKHLTWA

June 23, 2025

Mih i Video wa pynyoo wa em hi i chah dat uwi ha ki bru u MLA ka BJP hapoh ka rel

June 23, 2025

Ki dkhot ka Chi Iung da pyntip ki leh wa heipor wa khut ya u khynnah wow klah ya ka Ticket, ym tipmit ki oo wei da khut napyrdi ki paidbah wei ym em da yooluti leh wa daw em ka leh tooh da uni u khynnah.

Kamtæ da pyntip wa daw pynman biang yei pynkhle nasib neibynta ka First Prize ka Lucky Draw, wei hadien wa da chong bichaar daw pyntip paidbah ya ka tarik.